30/05/12

Paîs Catalans: nassût il Consei di politiche linguistiche dal aranês

Al è nassût il Consei di politiche linguistiche dal ocitan aranês. Lis fondis pal svilup di cheste gnove struture a son di une bande il statût di autonomie de Catalogne, e di chê altre la leç linguistiche dal 2010 che e ricognòs, e garantìs e e promôf l’ûs dal ocitan aranês in ducj i setôrs. Lis normis che a regolin la organizazion e il funzionament dal Consei a son stadis fatis buinis intant de riunion de comission bilaterâl che e viôt adun i rapresentants dal guvier catalan e dal comun di Aran. La Val di Aran, di fat, al è l’unic toc dal teritori de comunitât autonome de Catalogne là che si fevele par ocitan.
Font: Generalitat de Catalunya, 18/05/12

Nessun commento: