Cundut
dai impegns che si veve cjapât, il guvier galês nol ponte a
incressi lis politichis a pro de lenghe proprie. Il pont centrâl al
reste chel dai gnûfs nivei di riferiment pe lenghe galese
(standards),
ven a dî i dirits linguistics minims che aministrazions locâls,
ents publics e societâts che a davuelzin ativitâts di interès
public a àn di garantî ai citadins. Il sisteme, jentrât in vore
tal 2016, in dì di vuê al interesse passe 120 sogjets publics. La
ministre pe lenghe galese Eluned Morgan però e à fatis sôs lis
critichis rivadis dai sogjets clamâts a meti in vore i standards
e e à dite che il sisteme al è ingredeât e al coste masse e che
duncje, almancul par cumò, no je intenzion di slargjâju a chês
gruessis societâts privadis che a controlin servizis di utilitât
publiche tant che aghe, energjie o traspuarts.
La ministre e je stade
ancje metude sot acuse de organizazion Cymdeithas
yr Iaith par vie che e à sostignût
denant de Assemblee nazionâl dal Gales che la eliminazion de figure
dal comissari pe lenghe par meti al so puest une comission e jere
poiade de plui part dai sogjets che a vevin rispuindût ae
consultazion publiche su la revision de normative su la lenghe galese
cuant che, invezit, a jessi dacuardi al jere a pene il 15% di lôr.
Chel istès, la ministre e va dilunc a sburtâ une azion contrarie ai
indreçaments jessûts de consultazion e a refudâsi di comedâ lis
declarazions faladis fatis ai membris de Assemblee.
Font:
BBC,
05/06/18;
Cymdeithas yr Iaith, 05/06/18
Nessun commento:
Posta un commento