Dopo de
manifestazion a pro de indipendence, che ai 11 di Setembar e à
puartât intes stradis di Barcelone un milion e mieç di personis, e
dal impegn dal Parlament catalan par celebrâ un referendum su la
indipendence te legjislature che si vierzarà dopo des elezions di
Novembar, e va dilunc a cressi la pression spagnoliste, massime de
bande dai rapresentants dal PP.
Par esempli, il ministri spagnûl pe educazion, José Ignacio Wert, al à declarât che la riforme scolastiche che il guvier di Madrid al è daûr a inviâ e à, tra i siei obietîfs, chel si “spagnolizâ i students catalans”. Denant des protestis rivadis de Catalogne, il prin ministri spagnûl Mariano Rajoy al à butât inmò plui benzine sul fûc rispuindint che la riforme educative imbastide di Wert e à dute la sô poie. Intal framieç la avocate di stât Elisa de la Nuez e à declarât che se i catalans a vessin chê di celebrâ un referendum ilegâl si varès di impedîlu cun ducj i mieçs, ancje cu la fuarce. Une posizion cheste esprimude di plui bandis, ancje di rapresentants des fuarcis armadis spagnolis. Denant di cheste ofensive spagnoliste, i catalans a àn rispuindût cuntune adesion scjarse ae fieste spagnole dai 12 di Otubar, ma soredut cuntune volontât ancjemò plui fuarte di lâ a votâ. Daûr dal ultin sondaç su la cuistion, di fat, al ven fûr che plui dal 74% dai catalans al vûl che il referendum si davuelzi. A domandâlu no son dome i eletôrs dai partîts nazionaliscj catalans, ma ancje cuasi il 60% dai eletôrs socialiscj e plui di un cuart di chei dal PP.
Par esempli, il ministri spagnûl pe educazion, José Ignacio Wert, al à declarât che la riforme scolastiche che il guvier di Madrid al è daûr a inviâ e à, tra i siei obietîfs, chel si “spagnolizâ i students catalans”. Denant des protestis rivadis de Catalogne, il prin ministri spagnûl Mariano Rajoy al à butât inmò plui benzine sul fûc rispuindint che la riforme educative imbastide di Wert e à dute la sô poie. Intal framieç la avocate di stât Elisa de la Nuez e à declarât che se i catalans a vessin chê di celebrâ un referendum ilegâl si varès di impedîlu cun ducj i mieçs, ancje cu la fuarce. Une posizion cheste esprimude di plui bandis, ancje di rapresentants des fuarcis armadis spagnolis. Denant di cheste ofensive spagnoliste, i catalans a àn rispuindût cuntune adesion scjarse ae fieste spagnole dai 12 di Otubar, ma soredut cuntune volontât ancjemò plui fuarte di lâ a votâ. Daûr dal ultin sondaç su la cuistion, di fat, al ven fûr che plui dal 74% dai catalans al vûl che il referendum si davuelzi. A domandâlu no son dome i eletôrs dai partîts nazionaliscj catalans, ma ancje cuasi il 60% dai eletôrs socialiscj e plui di un cuart di chei dal PP.
Font:
VilaWeb, 10-13/10/12
Nessun commento:
Posta un commento