Il guvier de Comunitât Autonome Basche al à presentât il gnûf plan pal disvilup dal euskara tal sport che al cjape dentri la dade 2021 – 2024. L’intindiment al è chel di sburtâ l’ûs de lenghe basche framieç dai fruts e dai fantats che a fasin ativitâts sportivis. Chest viaç si à decidût di dâi prioritât a balon, rugby e baletalzei dal moment che il prin al è il sport cun plui tesserâts, il secont chel là che la lenghe e je plui presinte, e il tierç chel là che si à plui ecuilibri tra i gjenars. Il plan si poie su cuatri liniis di fonde: la formazion, che e sarà indreçade massime su alenadôrs e arbitris; l’ûs de lenghe; la inovazion, in particolâr cul implei des gnovis tecnologjiis inte formazion; e la promozion, cuntun lavôr smirât su lis societâts sportivis.
Nessun commento:
Posta un commento