Daûr dai dâts su lis iscrizions pal prossim an scolastic al ven fûr che in Navare a saran 1.579 i fruts di trê agns che a frecuentaran struturis educativis cul basc come prime lenghe. Intal 76% si trate di iscrits aes 80 scuelis publichis che a ufrissin il model D, o sei chel cul euskara tant che lenghe di insegnament, intant che il rest al à sielzût une des 15 ikastolas, o sei lis scuelis a imersion parificadis. Cundut che i dâts no son ancjemò definitîfs, rispiet al an passât si à un câl intes iscrizions dal 4% intes scuelis publichis e un tic plui marcât intes ikastolas. Plui che di un disinterès pe educazion par basc, si stime però che chest câl al divegni de diminuzion de natalitât intal 2018 che e jere stade di plui dal 6% rispiet al an prime.
Font: Noticias de Navarra, 03/06/21
Nessun commento:
Posta un commento