Ai 12 di Fevrâr la radiotelevision publiche basche Euskal Irrati Telebista (EiTB) e la academie de lenghe basche Euskaltzaindia a àn sotscrit un acuardi trienâl che si propon di sburtâ e di slargjâ un model linguistic di cualitât. L’impegn al è duncje di rispietâ dutis lis normis e i criteris definîts de academie, ancje par mieç di percors di formazion dal personâl e dal disvilup di manuâi e glossaris di pueste pai professioniscj dal setôr. Tal stes timp si cirarà di valorizâ la ricjece des varietâts doprant i regjistris linguistics che si adatin miôr ai diferents contescj e moments de comunicazion. Euskaltzaindia e varà invezit a disposizion il corpus di tescj di EiTB pal so osservatori su la lenghe e par incressi il so materiâl di vore.
Font: Deia, 13/02/21
Nessun commento:
Posta un commento