A son 150 i elets bretons – siet deputâts, sîs senatôrs e cetancj tra sindics, conseîrs regjonâi, dipartimentâi e comunâi – che a àn sotscrit une letare vierte indreçade al president de Republiche francese, Emmanuel Macron, par domandâi di autorizâ un referendum su la riunificazion de Loire Atlantiche cul rest de Bretagne. Chest dipartiment al è part dal teritori storic de Bretagne ma intant de seconde vuere mondiâl al è stât distacât di chei altris dipartiments bretons e unît ai Paîs de Loire; une situazion confermade po sei de riforme normative dal sisteme regjonâl dal 1982 che de riorganizazion teritoriâl di chescj ultins agns.
Diviers
sondaçs davuelts intai ultins cuarante agns a mostrin però la
volontât di almancul trê cuarts dai citadins di chest teritori di
dâsi adun cul rest de Regjon aministrative de Bretagne. Tal Autun
dal 2018 une petizion par domandâ une consultazion su la
riunificazion e à otignût intal dipartiment plui di 100 mil firmis
certificadis (passe il 10% dai citadins cun dirit di vôt) e la
ratifiche dal Consei dipartimentâl e di cetancj Conseis comunâi.
Dal moment che la Costituzion francese e previôt la pussibilitât di
un referendum popolâr par cambiâ i confins des coletivitâts
teritoriâls, i 150 elets a domandin a Macron di inviâ il percors
legjislatîf par imbastî la consultazion e lassâ che i citadins de
Loire Atlantiche a puedin manifestâ la lôr volontât.
Font: Agence Bretagne Presse, 17/01/21
Nessun commento:
Posta un commento