La
organizazion catalane Plataforma per la
Llengua e à miorât e infuartît il
portâl canvia.cat doprât par promovi lis sôs campagnis pai dirits
linguistics. In particolâr, di une bande si à recuperât lis
iniziativis plui impuartantis inviadis intai ultins agns in maniere
di tornâ a saborâlis e, di chê altre, i citadins a àn cumò la
pussibilitât di doprâ la plateforme par proponi gnovis campagnis.
La organizazion e tamesarà lis propuestis e e sielzarà di puartâ
indenant chês che, ancje sul plan simbolic, a puedin jessi plui di
impat.
Intant, alc al à tacât a movisi par chel che al rivuarde la ultime campagne inviade, ven a stâi chê par domandâ che te plateforme digjitâl Disney+ screade in Març intal stât spagnûl si meti a disposizion, pai titui che le àn, ancje la version dopleade o sottitulade par catalan. Plui tal detai, no dome la multinazionâl e à tacât a rispuindi ai utents ancje par catalan ma e à fat intindi di jessi disponibile a meti sù su la plateforme ancje lis versions par catalan pûr che lis domandis a vegnin indreçadis al canâl di pueste pai sugjeriments e no plui ae sô direzion.
Intant, alc al à tacât a movisi par chel che al rivuarde la ultime campagne inviade, ven a stâi chê par domandâ che te plateforme digjitâl Disney+ screade in Març intal stât spagnûl si meti a disposizion, pai titui che le àn, ancje la version dopleade o sottitulade par catalan. Plui tal detai, no dome la multinazionâl e à tacât a rispuindi ai utents ancje par catalan ma e à fat intindi di jessi disponibile a meti sù su la plateforme ancje lis versions par catalan pûr che lis domandis a vegnin indreçadis al canâl di pueste pai sugjeriments e no plui ae sô direzion.
Font:
PFPLL,
14 e 15/05/20
Nessun commento:
Posta un commento