Dopo
doi agns di preparazion, cui 2 di Zenâr al è jessût in edicule il
prin numar dal cuotidian par galizian Nós
Diario.
Un tant al è stât pussibil massime in gracie de adesion di passe
trê mil sotscritôrs che cui lôr contribûts a àn garantît la
fonde finanziarie par inviâ il progjet. Il gnûf cuotidian, in plui
di ufrî gnovis inzornadis 365 dîs ad an par mieç dal sît
www.nosdiario.gal
, al è disponibil dilunc vie de setemane in 2.400 ponts di vendite
ator pe Galizie. La edizion su cjarte, la uniche in lenghe proprie, e
conte 32 pagjinis par numar. Il gjornâl al è compagnât, ogni
sabide de riviste setemanâl Sermos
Galiza.
Par
chel che al rivuarde invezit i gjornâi disponibii dome in formât
digjitâl, il 2019 al à confermât Galicia
Confidencial
tant che il principâl tra i mieçs informatîfs par galizian. La
publicazion e conte uns 63 mil utents su lis rêts sociâls e il
numar plui alt di interazions tra chei in lenghe galiziane. Vie pal
an passât il numar di utents al è cressût cuasi dal 16%. L’an a
pene sierât al à viodût infuartîsi ancje il progjet di
informazion di prossimitât che lu viôt colaborâ cun cuatri
publicazions a difusion provinciâl, o sei Xornal
de Vigo,
Xornal
de Lemos,
Lugo
Xornal
e Xornal
de Mariña.
Font:
Nós
Diario,
01-02/01/20;
Galicia Confidencial, 05/01/20
Nessun commento:
Posta un commento