Ai
21 di Mai il Consei Nazionâl Serp, che al rapresente la comunitât
serbe de Cravuazie, al à dât fûr il so rapuart anuâl su la
situazion che si cjate a vivi la minorance. Daûr dai dâts
publicâts, vie pal 2017 i câs di incidents leâts ae intolerance
etniche, di discors publics violents, di menacis o di agressions
cuintri di membris de comunitât serbe a son stâts 393, a front dai
331 segnalâts intal 2016 e dai 189 dal 2015. La realtât però e
riscje di jessi ancjemò piês dal moment che plui di cualchidun nol
denuncie i abûs patîts par pôre di consecuencis inmò plui penzis.
A favorî cheste clime no son dome i ambients politics plui
nazionaliscj, ma ancje i mieçs di comunicazion. Il guvier di centri
diestre cumò in cjarie (HDZ) nol sburte la intolerance cuintri dai
serps ma nol fâs nancje masse par fâi cuintri. Il cuadri al ven
confermât ancje dal rapuart dât fûr de comission dal Consei de
Europe su razisim e intolerance che al segnale une incressite de
agressivitât cuintri de minorance serbe, dai rom e dai omosessuâi.
Font:
Balkan Insight,
21/05/18
1 commento:
An attention-grabbing dialogue is value comment. I believe that you need to write more on this topic, it might not be a taboo topic however usually individuals are not sufficient to talk on such topics. To the next. Cheers casino games
Posta un commento