15/02/18

Paîs Basc: ancje il Biarritz Olympique pal euskara

Ai 6 di Fevrâr la societât di rugby Biarritz Olympique e la aministrazion de citât basche a àn sotscrit une convenzion pal ûs dal euskara. La firme e varès cumò di puartâ ae presince de lenghe basche te comunicazion uficiâl de societât sportive e al so ûs intant des ativitâts di animazion fatis dilunc vie des partidis zuiadis in cjase. Un grup di lavôr formât dai rapresentants de societât e dal comun al viodarà cumò di meti a pont i detais di chestis e di altris misuris prime che si invii la prossime stagjon.
Font: Seizh.info, 07/02/18

Nessun commento: