Il
tribunâl superiôr di justizie de Catalogne al à decidût di rinviâ
a judizi l’ex president dal guvier catalan Artur Mas, la ex
presidente vicjarie Joana Ortega e la ex assessore pe istruzion Irene
Rigau cu la acuse di disubidience e abûs aministratîf. Il
riferiment al è al referendum pe indipendence de Catalogne dai 9 di
Novembar cuant che, daûr de acuse, i trê rapresentants dal guvier
catalan a varessin tignût un compuartament di colaborazion ative cui
organizadôrs de consultazion. La decision e je stade cjapade cun
sodisfazion dai rapresentants de diestre spagnoliste, intant che pal
front indipendentist al è vergognôs che si calcoli di delit permeti
ai citadins di esprimi la lôr opinion.
La
ofensive cuintri dal indipendentisim catalan e à però ancje altris
musis. Un cuotidian digjitâl al à publicât il contignût di une
serie di intercetazions telefonichis jenfri il ministri pal interni
spagnûl Jorge Fernández Díaz e il diretôr dal ufici anticoruzion
de Catalogne, Daniel de Alfonso, là che i doi a concuardavin di
doprâ parts selezionadis de polizie e fonts neris par costruî
acusis cuintri dai dirigjents de aree indipendentiste catalane.
L’intindiment di fat nol jere chel di cirî provis par inchiestis
saldis, ma di fâ saltâ fûr su la stampe informazions verosimilis
che a colpissin la credibilitât publiche di chescj personaçs
politics. Cheste operazion e sarès tacade ancjemò intal 2012 e,
daûr di ce che al ven fûr des intercetazions, e sarès stade
cognossude ancje dal prin ministri spagnûl Mariano Rajoy.
Font:
El
País,
22
e 28/06/16;
VilaWeb, 28/06/16
Nessun commento:
Posta un commento