Cundut
de impugnazion de consulte volude dal guvier di Madrid, de sospensive
decidude dal tribunâl costituzionâl spagnûl, des menacis des
procuris e dal boicotaç dai partîts spagnoliscj, la metât dai
catalans e je lade a votâ inte consultazion popolâr su la
indipendence che si è tignude domenie ai 9 di Novembar. Si fevele di
passe doi milions e 300 mil partecipants sui cinc milions e mieç di
citadins cun dirit di vôt. Un risultât straordenari se si pense che
denant de sospensive dal tribunâl costituzionâl, la votazion e à
vût di jessi inmaneade cence la disponibilitât des listis eletorâls
uficiâls e cul lavôr di 40 mil volontaris. Chel istès, i
osservadôrs internazionâi che a àn seguît la consultazion le àn
judicade regolâr.
Il vôt si è davuelt cence incidents, fale par un pâr di ats di vandalisim e par une agression di stamp fassist intun dai sîts là che si votave. Dai passe doi milions di catalans che a àn partecipât ae consultazion plui dal 80% a àn votât a pro de indipendence. In Catalogne duncje a dî di sì pe indipendence a son stâts di plui di chei che, par esempli, a vevin votât a pro de Costituzion europeane intal 2005 o de jentrade inte NATO intal 1986: vôts che in chê volte nissune autoritât spagnole e veve stimât masse pôcs par dâi legjitimitât ae votazion e ai siei efiets. “La democrazie e à vinçût la pôre, lis proibizions e lis menacis dal guvier spagnûl” al è stât il coment a bote cjalde rivât de Assemblea Nacional Catalana e dal Òmnium Cultural, lis dôs organizazions che a son daûr des mobilitazions popolârs pe indipendence. Pôc dopo de fin de consultazion, il guvier spagnûl al à afidât la sô reazion al ministri pe justizie Rafael Catalá che intune conference stampe, là che però l’acès al è stât permetût dome ae radiotelevision publiche statâl, al à piturât la consultazion popolâr catalane di “rude propagande politiche” cence nissun valôr democratic. Il president dal guvier catalan, Artur Mas, al à invezit declarât che la Catalogne e à dimostrât inmò une volte che e à voie di autoguviernâsi e al à judicât la reazion dal guvier di Madrid tant che “miopie politiche” plene di indiference cuant che no di intolerance. Mas al à po fat savê che ta chestis zornadis si decidarà adun cun chês altris fuarcis sovranistis i prossims pas di fâ par meti in vore la volontât popolâr che e je chê di decidi in maniere pacifiche, libare e democratiche l’avignî politic de Catalogne.
Il vôt si è davuelt cence incidents, fale par un pâr di ats di vandalisim e par une agression di stamp fassist intun dai sîts là che si votave. Dai passe doi milions di catalans che a àn partecipât ae consultazion plui dal 80% a àn votât a pro de indipendence. In Catalogne duncje a dî di sì pe indipendence a son stâts di plui di chei che, par esempli, a vevin votât a pro de Costituzion europeane intal 2005 o de jentrade inte NATO intal 1986: vôts che in chê volte nissune autoritât spagnole e veve stimât masse pôcs par dâi legjitimitât ae votazion e ai siei efiets. “La democrazie e à vinçût la pôre, lis proibizions e lis menacis dal guvier spagnûl” al è stât il coment a bote cjalde rivât de Assemblea Nacional Catalana e dal Òmnium Cultural, lis dôs organizazions che a son daûr des mobilitazions popolârs pe indipendence. Pôc dopo de fin de consultazion, il guvier spagnûl al à afidât la sô reazion al ministri pe justizie Rafael Catalá che intune conference stampe, là che però l’acès al è stât permetût dome ae radiotelevision publiche statâl, al à piturât la consultazion popolâr catalane di “rude propagande politiche” cence nissun valôr democratic. Il president dal guvier catalan, Artur Mas, al à invezit declarât che la Catalogne e à dimostrât inmò une volte che e à voie di autoguviernâsi e al à judicât la reazion dal guvier di Madrid tant che “miopie politiche” plene di indiference cuant che no di intolerance. Mas al à po fat savê che ta chestis zornadis si decidarà adun cun chês altris fuarcis sovranistis i prossims pas di fâ par meti in vore la volontât popolâr che e je chê di decidi in maniere pacifiche, libare e democratiche l’avignî politic de Catalogne.
Font:
VilaWeb, 4-10/11/14;
El Punt Avui, 4-10/11/14
Nessun commento:
Posta un commento