Lis
dôs riunions dai partîts sovraniscj rapresentâts intal Parlament
catalan, che si son tignudis ai 3 e ai 9 di Otubar, a àn confermât
la volontât di mantignî ai 9
di Novembar la
date dal referendum su
la indipendence e di davuelzilu daûr des formis che il moment al
permetarà. Cun di fat, la sospensive decidude dal tribunâl
costituzionâl spagnûl pe leç su lis consultazions fate buine dal
Parlament catalan e pal
decret de Generalitat
(guvier
catalan) par
clamâ dongje il referendum e impedìs di davuelzi la votazion in
maniere normâl. Lis riunions a àn dut câs mostrât des divisions
tra CiU, ERC, ICV-EUiA e CUP su la forme di vôt di doprâ: si va di
un referendum inmaneât de Generalitat
in plene sfide aes autoritâts spagnolis a di une consultazion
davuelte dai comuns che e vedi plui un valôr simbolic che pratic. Ai
10 di Otubar, intune conference stampe clamade dongje par presentâ
la gnove manifestazion rivendicative in program a Barcelone ai 19 di
Otubar, lis organizazions
Assemblea Nacional Catalana
e Òmnium Cultural
che a son daûr
a vuidâ la mobilitazion popolâr pe indipendence a àn dite che no
acetaran un referendum smamît che nol sedi inmaneât dal guvier
catalan.
Intal
framieç il Parlament de Comunitât Autonome Basche al à votât a
maiorance (EH Blidu e PNV) une mozion che e mostre il so
ricognossiment pal procès sovranist inviât dal Parlament catalan e
che e critiche in maniere dure il compuartament dal tribunâl
costituzionâl spagnûl.
Font:
VilaWeb, 09-10/10/14;
Naiz:, 09-10/10/14
Nessun commento:
Posta un commento