Lis
elezions pal Parlament european che si tignaran sul finî di Mai a
cjapin dentri ancje diviers partîts che a àn il lôr eletorât
massime tra i membris des comunitâts nazionâls minorizadis, tra di
lôr a ‘nd è tancj che a fasin part dal grup European Free
Alliance. Viodudis lis dimensions dal vôt, par tancj moviments
nazionalitaris la partecipazion aes europeanis e je soredut un at
simbolic, ma in cualchi câs e je ancje la pussibilitât di rivâ a
vê dai elets.
Intal stât spagnûl cualchi partît al à sielzût di presentâsi di bessôl, come tal câs di ERC, altris invezit si son dâts dongje in cartei eletorâi plui grancj cemût che a àn fat i bascs di EH Bildu e il Bloque Nacionalista Galego, o i catalans dal Bloc Nacionalista Valenciá cu la Chunta Aragonista. Intal stât francês e je stade metude sù une liste des Regjons e dai Popui Solidaris là che a son dentri rapresentants di diviersis comunitâts minorizadis e che e je vuidade dal eurodeputât cors François Alfonsi, ma al è ancje cui che al cor cun altris sogjets federatîfs tant che Europe Écologie o cuntune liste autonome. Intal Ream Unît ducj i partîts nazionalitaris principâi a corin di bessôi e, viodude la lôr fuarce, cu la pussibilitât reâl di vê dai elets; un tant al vâl massime pai irlandês dal Sinn Féin, pai scozês dal SNP e pai galês dal Plaid Cymru. Buinis pussibilitâts di elezion a son po ancje pai flamants de Gnove Aleance Flamande (N-VA). Intal stât talian, la liste plui fuarte framieç di chês rapresentativis di minorancis e je chê de SVP che, ancje cheste volte, i da acet ancje a di un rapresentant de Slovenska Skupnost. Tra i membris de EFA in corse o cjatìn ancje candidâts dal MKS, che al rapresente i ongjarês de Slovachie, e de Union dai Rus de Letonie.
Intal stât spagnûl cualchi partît al à sielzût di presentâsi di bessôl, come tal câs di ERC, altris invezit si son dâts dongje in cartei eletorâi plui grancj cemût che a àn fat i bascs di EH Bildu e il Bloque Nacionalista Galego, o i catalans dal Bloc Nacionalista Valenciá cu la Chunta Aragonista. Intal stât francês e je stade metude sù une liste des Regjons e dai Popui Solidaris là che a son dentri rapresentants di diviersis comunitâts minorizadis e che e je vuidade dal eurodeputât cors François Alfonsi, ma al è ancje cui che al cor cun altris sogjets federatîfs tant che Europe Écologie o cuntune liste autonome. Intal Ream Unît ducj i partîts nazionalitaris principâi a corin di bessôi e, viodude la lôr fuarce, cu la pussibilitât reâl di vê dai elets; un tant al vâl massime pai irlandês dal Sinn Féin, pai scozês dal SNP e pai galês dal Plaid Cymru. Buinis pussibilitâts di elezion a son po ancje pai flamants de Gnove Aleance Flamande (N-VA). Intal stât talian, la liste plui fuarte framieç di chês rapresentativis di minorancis e je chê de SVP che, ancje cheste volte, i da acet ancje a di un rapresentant de Slovenska Skupnost. Tra i membris de EFA in corse o cjatìn ancje candidâts dal MKS, che al rapresente i ongjarês de Slovachie, e de Union dai Rus de Letonie.
Font:
EFA, 17/04/14
Nessun commento:
Posta un commento