Si stime
che a sedin stadis uns 25 mil lis personis che ai 20 di Avrîl a àn
partecipât a Iruñea / Pamplona ae manifestazion pal Aberri Eguna,
la Zornade de Patrie Basche, inmaneade de rêt Independentistak. La
iniziative – là che a àn partecipât rapresentants di Sortu,
Eusko Alkartasuna, Aralar, Alternatiba, EH Bildu, Abertzaleen
Batasuna, ma ancje delegazions rivadis de Scozie, de Catalogne e di
altris nazions cence stât – e à vût tant che teme centrâl la
indipendence dal Paîs Basc.
Cualchidun al dîs che la indipendence e puartarà divisions e conflits par vie che il Paîs Basc al presente une fuarte diversitât identitarie, linguistiche e culturâl – al à ricuardât intal so intervent il rapresentant de rêt Independentistak, Txutxi Arizanabarreta – in realtât la indipendence e je la alternative miôr a stâts come chel spagnûl e chel francês che no rispietin la diversitât, che a dinein lis identitâts altris e che a imponin la lôr lenghe e la lôr culture. I nazionaliscj moderâts dal PNV a àn invezit celebrât l’Aberri Eguna a Bilbo / Bilbao cu la partecipazion di centenârs di militants e dal president dal guvier de Comunitât Autonome Basche Iñigo Urkullu. Intant de iniziative il president dal PNV, Andoni Ortuzar, al à di une bande invidât i principâi partîts spagnûi a lavorâ par un model statâl gnûf che al dedi plui autoguvier a chês altris nazionalitâts e, di chê altre, al à criticât lis politichis de çampe indipendentiste basche. Un intervent, il so, criticât sei dal partît socialist (PSE – PSOE) che al à fevelât di intervent confusionât che nol mostre un progjet politic clâr, sei de çampe indipendentiste (Sortu) che al à invidât il PNV e lassâ pierdi acuardis impussibii cui partîts spagnûi e a pontâ suntun percors condividût cun chei altris moviments politics bascs.
Cualchidun al dîs che la indipendence e puartarà divisions e conflits par vie che il Paîs Basc al presente une fuarte diversitât identitarie, linguistiche e culturâl – al à ricuardât intal so intervent il rapresentant de rêt Independentistak, Txutxi Arizanabarreta – in realtât la indipendence e je la alternative miôr a stâts come chel spagnûl e chel francês che no rispietin la diversitât, che a dinein lis identitâts altris e che a imponin la lôr lenghe e la lôr culture. I nazionaliscj moderâts dal PNV a àn invezit celebrât l’Aberri Eguna a Bilbo / Bilbao cu la partecipazion di centenârs di militants e dal president dal guvier de Comunitât Autonome Basche Iñigo Urkullu. Intant de iniziative il president dal PNV, Andoni Ortuzar, al à di une bande invidât i principâi partîts spagnûi a lavorâ par un model statâl gnûf che al dedi plui autoguvier a chês altris nazionalitâts e, di chê altre, al à criticât lis politichis de çampe indipendentiste basche. Un intervent, il so, criticât sei dal partît socialist (PSE – PSOE) che al à fevelât di intervent confusionât che nol mostre un progjet politic clâr, sei de çampe indipendentiste (Sortu) che al à invidât il PNV e lassâ pierdi acuardis impussibii cui partîts spagnûi e a pontâ suntun percors condividût cun chei altris moviments politics bascs.
Font:
Naiz:, 20-21/04/14
Nessun commento:
Posta un commento