A jerin
almancul 65 mil lis personis che sabide ai 5 di Otubar a àn sfilât
pes stradis di Bilbo / Bilbao par protestâ cuintri de operazion di
polizie metude in at cuintri de organizazion Herrira e par domandâ
il rispiet dai dirits dai presonîrs bascs e la soluzion pacifiche
dal conflit. La iniziative e à viodût la adesion de maiorance
sindacâl basche, di cetancj partîts politics, di organizazions
sociâls di ogni sorte e di diviersis aministrazions locâls tant che
la Provincie di Gipuzkoa e la assemblee dai sindics bascs Udalbiltza.
La manifestazion e ven daûr di cetantis iniziativis di solidarietât
cui arestâts che si son tignudis dilunc vie di dute la setemane in
disinis di localitâts dal Paîs Basc e no dome.
Dut al nas de operazion di polizie puartade indenant lunis ai 30 di Setembar là che a son stâts arestâts disevot ativiscj di Herrira, la organizazion nassude intal Fevrâr dal 2012 cun chê di lavorâ pal rispiet dai dirits dai presonîrs bascs e che, propit par chest fin, e veve ancje inmaneât intal Zenâr dal 2013 la plui grande manifestazion popolâr de storie resinte dal Paîs Basc. I disevot arestâts, cumò liberâts in spiete dal procès, a àn di rispuindi di acusis che a van de esaltazion dal terorisim ae continuitât cun organizazions fûr leç e fintremai di partignince a ETA. Cun cheste operazion la magjistrature spagnole e torne duncje a inviâ la politiche repressive metude in at cuintri di altris organizazions baschis, ma e va a colpî une realtât impegnade pai dirits umans e pe soluzion pacifiche dal conflit e lu fâs intun moment là che ETA e à za dismetût la lote armade. Ancje par chest i arescj a àn jevât un fuart sens di disdegn framieç de societât basche, ancje tra chei che no partegnin ae çampe indipendentiste o ae aree plui sensibile ae cuistion dai presonîrs. Baste pensâ che se il president dal guvier basc Iñigo Urkullu (PNV) al à dite che la operazion e je “un gnûf pidiment” dilunc dal troi pe pâs e pe convivence, il president dal PSE (sezion basche dal partît socialist) Jesús Eguiguren al à acusât lis autoritâts spagnolis di “provocazion” par fâ saltâ il procès di pâs.
Dut al nas de operazion di polizie puartade indenant lunis ai 30 di Setembar là che a son stâts arestâts disevot ativiscj di Herrira, la organizazion nassude intal Fevrâr dal 2012 cun chê di lavorâ pal rispiet dai dirits dai presonîrs bascs e che, propit par chest fin, e veve ancje inmaneât intal Zenâr dal 2013 la plui grande manifestazion popolâr de storie resinte dal Paîs Basc. I disevot arestâts, cumò liberâts in spiete dal procès, a àn di rispuindi di acusis che a van de esaltazion dal terorisim ae continuitât cun organizazions fûr leç e fintremai di partignince a ETA. Cun cheste operazion la magjistrature spagnole e torne duncje a inviâ la politiche repressive metude in at cuintri di altris organizazions baschis, ma e va a colpî une realtât impegnade pai dirits umans e pe soluzion pacifiche dal conflit e lu fâs intun moment là che ETA e à za dismetût la lote armade. Ancje par chest i arescj a àn jevât un fuart sens di disdegn framieç de societât basche, ancje tra chei che no partegnin ae çampe indipendentiste o ae aree plui sensibile ae cuistion dai presonîrs. Baste pensâ che se il president dal guvier basc Iñigo Urkullu (PNV) al à dite che la operazion e je “un gnûf pidiment” dilunc dal troi pe pâs e pe convivence, il president dal PSE (sezion basche dal partît socialist) Jesús Eguiguren al à acusât lis autoritâts spagnolis di “provocazion” par fâ saltâ il procès di pâs.
Font:
Gara, 01-06/10/13; Naiz:, 05-06/10/13
Nessun commento:
Posta un commento