Il manx, la
plui piçule tra lis lenghis de famee che e cjape dentri ancje il
gaelic irlandês e chel scozês, al jere stât declarât estint de
UNESCO intal 2009. Inte realtât la lenghe e je ancjemò vive e inte
isule di Man e ven fevelade di plui di un miâr di personis. Cun di
plui l’interès par cheste lenghe al va dilunc a cressi ancje fûr
de isule. Par vignî incuintri a cheste domande, nancje un an indaûr,
la Manx Heritage Foundation e veve dât fûr une aplicazion gratuite
par smart phones e tablets. A vuê a son plui di 4 mil lis personis
che le àn za discjariade, intant che lis lezions di manx sei su la
isule che vie internet a cjatin simpri plui frecuentadôrs.
Font:
BBC, 01/10/13
Nessun commento:
Posta un commento