Diviers
centenârs di personis a àn partecipât ai 20 di Lui ae
manifestazion clamade dongje inte capitâl dal Paîs Basc
setentrionâl (Ipar Euskal Herria) Baiona / Bayonne de organizazion
Bake Bidea. La iniziative, che e à puartât in place ancje diviers
rapresentants dal mont politic, sindacâl e associatîf di cheste
part dal Paîs Basc, e jere stade inmaneade cun chê di domandâ la
fin de repression cuintri dai dispatriâts bascs e par sburtâ il
procès di pâs. A sburtâ cheste mobilitazion e je stade massime la
ultime butade di ordins di arest europeans dâts fûr des autoritâts
spagnolis par militants bascs espatriâts che di agnorums a vivin
intal stât francês. Si trate di ordins che si domande aes
autoritâts francesis di refudâ di meti in vore dal moment che a
nassin dome di motivazions politichis e no di compuartaments criminâi
e che a van a dâ un colp dûr a di un procès di pâs che za al fâs
une vore di fature a lâ indenant.
Font:
Gara, 21/07/13
Nessun commento:
Posta un commento