Ai 27 di
Mai il Forum Sociâl, iniziative che e à lis sôs fondis intal Paîs
Basc ma che e conte ancje su la poie di esperts e organisims
internazionâi, al à fat cognossi lis sôs racomandazions par dâi
un sburt al procès di pâs basc che zaromai di mês al somee jessi
ret e fer. Si trate di dodis ponts che a proponin a ducj i sogjets
cjapâts dentri intal conflit dai pas concrets par superâ chest bloc
dal procès che al è leât massime al imobilisim dai guviers di
Madrid e di Parîs. Prin di dut si invide ducj i sogjets a svilupâ
iniziativis di dialic e di riconciliazion par dâi fondis saldis al
procès di pâs e ai siei obietîfs principâi, o sei il disarmament
e il dismantelament des struturis militârs di ETA, il reinseriment
dai presonîrs e dai dispatriâts, il plen rispiet dai dirits umans,
une analisi oneste di ce che al è sucedût che e rindi plui facile
la convivence.
Tra i ponts fats indenant si marche la soluzion plene ae cuistion dai presonîrs politics, che par rivâi nol covente dome une modifiche de politiche penitenziarie (par esempli cu la fin de dispersion e dal sisteme des condanis sprolungjadis a vite), ma ancje une “justizie di transizion” che e permeti ancje a cui che al è stât impresonât di jessi protagonist dal procès di pâs. A coventin po intervents par garantî ad in plen i dirits umans e lis libertâts democratichis e, ta cheste direzion, si à di lâ ancje cuntune riduzion des funzions e dal personâl des fuarcis di polizie che a operin intal contest basc. Si racomande po aes istituzions di promovi un procès slargjât di condivision de memorie che al permeti di frontâ e superâ lis causis dal conflit, di ricognossi dutis lis vitimis e i dams causâts in maniere di permeti une vere riconciliazion che no je pussibile se no si ricognossin lis violencis, lis violazions dai dirits e il dolôr causâts di dutis lis parts cjapadis dentri dal conflit.
Tra i ponts fats indenant si marche la soluzion plene ae cuistion dai presonîrs politics, che par rivâi nol covente dome une modifiche de politiche penitenziarie (par esempli cu la fin de dispersion e dal sisteme des condanis sprolungjadis a vite), ma ancje une “justizie di transizion” che e permeti ancje a cui che al è stât impresonât di jessi protagonist dal procès di pâs. A coventin po intervents par garantî ad in plen i dirits umans e lis libertâts democratichis e, ta cheste direzion, si à di lâ ancje cuntune riduzion des funzions e dal personâl des fuarcis di polizie che a operin intal contest basc. Si racomande po aes istituzions di promovi un procès slargjât di condivision de memorie che al permeti di frontâ e superâ lis causis dal conflit, di ricognossi dutis lis vitimis e i dams causâts in maniere di permeti une vere riconciliazion che no je pussibile se no si ricognossin lis violencis, lis violazions dai dirits e il dolôr causâts di dutis lis parts cjapadis dentri dal conflit.
Font:
Gara, 28/05/13
Nessun commento:
Posta un commento