Ai 17 di
Avrîl, dopo mês di tratativis sot de mediazion de Union Europeane,
la delegazion serbe e chê cossovane vuidadis dai doi prins ministris
Ivica Dačić e Hashim Thaçi a àn cjatât un acuardi su la gjestion
dai comuns dal Cossovo a maiorance serbe. Par Dačić si trate des
condizions miôr che si podeve otignî pe comunitât serbe restade
intal Cossovo; Thaçi al à invezit fevelât di un acuardi che al
judarà a superâ lis feridis dal passât. Il test al è svilupât su
cuindis ponts e al regole ducj chei aspiets che fin cumò a vignevin
gjestîts in maniere indipendente de comunitât serbe dal Cossovo cu
la poie economiche e operative dal guvier di Belgrât.
L’aspiet principâl dal acuardi al è chel de nassite de Associazion dai Comuns Serps là che a son dentri i cuatri comuns de aree setentrionâl dal Cossovo, o sei Kosovska Mitrovica, Leposavić / Leposaviq, Zvečan / Zveçan e Zubin Potok. Ta cheste aree la polizie, un dai argoments di scuintri plui dûrs, e sarà il spieli de composizion etniche dal teritori, ma i siei comandants a saran sielzûts de Associazion dai Comuns Serps. La gjestion de justizie e sarà cjapade dentri intal implant judiziari cossovan, ma si varà un aument intal numar dai magjistrâts di divignince serbe. Intes scuelis locâls si podarà lâ dilunc a studiâ cui programs in vore in Serbie. L’acuardi al à vût il vie libare maioritari (i unics contraris a jerin i membris dal Moviment pe Autodeterminazion) dal Parlament dal Cossovo che si è dât dongje in riunion straordenarie. Il test al à cjatât la poie ancje de maiorance dai partîts rapresentâts intal Parlament di Belgrât, fale che il Partît Democratic de Serbie (DSS) che al à domandât lis dimissions dal guvier par chel che al calcole tant che un tradiment de comunitât serbe. Lis protestis plui duris a son però rivadis propit dai serps dal Cossovo che a àn ancje domandât ae Cort Costituzionâl di Belgrât di judicâ se l’acuardi al rispiete la Costituzion de Serbie e che a àn fat savê che no metaran in vore i contignûts dal pat. Se l’acuardi al sarà metût in vore, a àn dite diviers rapresentants de comunitât serbe, si riscje che un tierç de popolazion locâl o ancje di plui al decidi di bandonâ lis sôs cjasis par lâ in Serbie. Intes zornadis subite dopo dal acuardi lis parts a àn ancje butât jù une strategjie pe sô metude in vore che si svilupe su trê passaçs: eliminazion des struturis di guvier paralelis cumò in vore intes areis a maiorance serbe; elezions pe Associazion dai Comuns Serps; integrazion des struturis scolastichis, judiziariis e di polizie di cheste aree ta chês dal Cossovo. In gracie di chest acuardi, za cul mês di Jugn, il Consei de Europe al podarès inviâ il percors pe jentrade de Serbie inte UE.
L’aspiet principâl dal acuardi al è chel de nassite de Associazion dai Comuns Serps là che a son dentri i cuatri comuns de aree setentrionâl dal Cossovo, o sei Kosovska Mitrovica, Leposavić / Leposaviq, Zvečan / Zveçan e Zubin Potok. Ta cheste aree la polizie, un dai argoments di scuintri plui dûrs, e sarà il spieli de composizion etniche dal teritori, ma i siei comandants a saran sielzûts de Associazion dai Comuns Serps. La gjestion de justizie e sarà cjapade dentri intal implant judiziari cossovan, ma si varà un aument intal numar dai magjistrâts di divignince serbe. Intes scuelis locâls si podarà lâ dilunc a studiâ cui programs in vore in Serbie. L’acuardi al à vût il vie libare maioritari (i unics contraris a jerin i membris dal Moviment pe Autodeterminazion) dal Parlament dal Cossovo che si è dât dongje in riunion straordenarie. Il test al à cjatât la poie ancje de maiorance dai partîts rapresentâts intal Parlament di Belgrât, fale che il Partît Democratic de Serbie (DSS) che al à domandât lis dimissions dal guvier par chel che al calcole tant che un tradiment de comunitât serbe. Lis protestis plui duris a son però rivadis propit dai serps dal Cossovo che a àn ancje domandât ae Cort Costituzionâl di Belgrât di judicâ se l’acuardi al rispiete la Costituzion de Serbie e che a àn fat savê che no metaran in vore i contignûts dal pat. Se l’acuardi al sarà metût in vore, a àn dite diviers rapresentants de comunitât serbe, si riscje che un tierç de popolazion locâl o ancje di plui al decidi di bandonâ lis sôs cjasis par lâ in Serbie. Intes zornadis subite dopo dal acuardi lis parts a àn ancje butât jù une strategjie pe sô metude in vore che si svilupe su trê passaçs: eliminazion des struturis di guvier paralelis cumò in vore intes areis a maiorance serbe; elezions pe Associazion dai Comuns Serps; integrazion des struturis scolastichis, judiziariis e di polizie di cheste aree ta chês dal Cossovo. In gracie di chest acuardi, za cul mês di Jugn, il Consei de Europe al podarès inviâ il percors pe jentrade de Serbie inte UE.
Font:
Balkan Insight, 19-26/04/13
Nessun commento:
Posta un commento