Intes
elezions aministrativis che si son tignudis in Macedonie ai 24 di
Març, inte plui part dai comuns la vitorie e je lade al Partît
Democratic pe Unitât Nazionâl Macedone (VMRO DPMNE), che al à cumò
in man il guvier dal stât, intant che i socialdemocratics si son
imponûts in mancul di une disine di aministrazions locâls. Inte
aree là che i albanês a son la maiorance, la plui part dai comuns e
je lade ae Union Democratiche pe Integrazion (DUI), partît de
comunitât albanese aleât dal Partît Democratic pe Unitât Nazionâl
Macedone, intant che il Partît Democratic dai Albanês (DPA), cumò
ae oposizion a nivel statâl, si è imponût dome intune
aministrazion locâl.
Intun paîs là che lis tensions etnichis a son une vore altis, la campagne eletorâl pes aministrativis e je stade segnade di un scuintri cetant dûr tra i partîts macedons di maiorance e oposizion, fûr che tai comuns di Kičevo e Struga / Strugë là che la popolazion macedone e albanese e je avonde ecuilibrade e là che lis aleancis a son stadis metudis adun daûr di un criteri etnic. Cussì a Struga la aleance tra Partît Democratic pe Unitât Nazionâl Macedone e socialdemocratics e à puartât la vitorie al front macedon, intant che a Kičevo e à vinçût la aleance tra lis formazions albanesis. Sul front des minorancis nazionâls a son po di segnalâ il sucès dal Partît Democratic dai Turcs intun comun e de Aleance Rom intun altri.
Intun paîs là che lis tensions etnichis a son une vore altis, la campagne eletorâl pes aministrativis e je stade segnade di un scuintri cetant dûr tra i partîts macedons di maiorance e oposizion, fûr che tai comuns di Kičevo e Struga / Strugë là che la popolazion macedone e albanese e je avonde ecuilibrade e là che lis aleancis a son stadis metudis adun daûr di un criteri etnic. Cussì a Struga la aleance tra Partît Democratic pe Unitât Nazionâl Macedone e socialdemocratics e à puartât la vitorie al front macedon, intant che a Kičevo e à vinçût la aleance tra lis formazions albanesis. Sul front des minorancis nazionâls a son po di segnalâ il sucès dal Partît Democratic dai Turcs intun comun e de Aleance Rom intun altri.
Font:
Balkan Insight, 21-25/03/13
Nessun commento:
Posta un commento