Lis
elezions che si son tignudis ai 21 di Otubar a àn savoltât il
panorame eletorâl de Comunitât Autonome Basche e a àn viodût une
afermazion massive dai partîts nazionaliscj bascs che adun a àn
sfiliât il 60% dai vôts. A ribaltâ la situazion rispiet aes
elezions stadis, che a vevin puartât a di un guvier socialist di
minorance che al veve gjoldût di une poie esterne dal PP, e je stade
la partecipazion de çampe indipendentiste basche che intal 2009 si
cjatave ancjemò intune condizion di ilegalizazion.
I plui votâts a son stâts i nazionaliscj moderâts dal Partît Nazionalist Basc (PNV) che a àn vût il 34,17% des preferencis (sù par jù mieç pont in mancul rispiet aes elezions stadis) e 27 parlamentârs, trê di mancul di chei che a vevin vût intal 2009. Daûr di lôr si è plaçade la çampe abertzale che, cul non di EH Bildu, e à racuelt cuasi il 25% dai vôts e 21 elets. Propit la presince di cheste formazion, che e à otignût il risultât miôr inte storie de çampe indipendentiste, e à fat saltâ ducj i ecuilibris precedents. Cheste coalizion e cjapave dentri sei la ereditât di Batasuna, formazion metude fûr leç des autoritâts spagnolis, sei partîts tant che Eusko Alkartasuna e Aralar che intal 2009 a vevin rivât a mandâ in Parlament cinc dai lôr candidâts. I socialiscj a àn vût invezit di contentâsi de tierce posizion cun pôc mancul dal 19% dai vôts, cuasi il 9% in mancul dal 2009, e 16 elets cuintri dai 25 de volte stade. Se il PSE (federazion basche dal PSOE) al è il partît che al à paiât il presit plui alt in chestis elezions, nancje i popolârs no jessin fûr cui sa ce ben. Cun di fat, il PP al à vût il 11,57% des preferencis (plui di un pont in mancul de volte stade) e 10 elets cuintri dai 13 dal 2009. A completâ il cuadri dai elets si à la conferme di un parlamentâr pal grup di estreme diestre Unión Progreso y Democracia (UPyD) che al à cjapât il 1,91% des preferencis. Ezker Batua, la federazion basche di Izquierda Unida che tal 2009 e veve plui dal 3% dai vôts e un elet, si è invezit presentade dividude: Ezker Batua di une bande e Ezker Anitza di chê altre. I doi partîts a àn cjapât in totâl plui dal 5% des preferencis, ma separâts no àn rivât a vê nancje un elet. I tocje cumò a Iñigo Urkullu, candidât lehendakari (prin ministri dal guvier basc) dal PNV, formâ il gnûf esecutîf. Denant di lui a son dôs stradis, o meti in pîts un guvier di minorance cun aleancis variabilis proviodiment par proviodiment, o pûr imbastî un acuardi di guvier cuntune altre formazion politiche. Cu la setemane dai 29 di Otubar Urkullu al inviarà un zîr di incuintris cui rapresentants di chei altris partîts. Dutis lis opzions a restin viertis, al à sigurât, ancje se tancj a crodin che la soluzion plui probabile e sedi chê di un guvier di minorance. Laura Mintegi, candidade lehendakari par EH Bildu, e à dut câs invidât Urkullu a imbastî “une politiche autonome sei dal pont di viste nazionâl che economic” rispiet a Madrid. Il sucès eletorâl di EH Bildu al à però ancje cualchi fressure: cun di fat, in Gipuzkoa, provincie là che il partît al è al guvier, si à vût une piçule flession intai vôts de formazion abertzale.
I plui votâts a son stâts i nazionaliscj moderâts dal Partît Nazionalist Basc (PNV) che a àn vût il 34,17% des preferencis (sù par jù mieç pont in mancul rispiet aes elezions stadis) e 27 parlamentârs, trê di mancul di chei che a vevin vût intal 2009. Daûr di lôr si è plaçade la çampe abertzale che, cul non di EH Bildu, e à racuelt cuasi il 25% dai vôts e 21 elets. Propit la presince di cheste formazion, che e à otignût il risultât miôr inte storie de çampe indipendentiste, e à fat saltâ ducj i ecuilibris precedents. Cheste coalizion e cjapave dentri sei la ereditât di Batasuna, formazion metude fûr leç des autoritâts spagnolis, sei partîts tant che Eusko Alkartasuna e Aralar che intal 2009 a vevin rivât a mandâ in Parlament cinc dai lôr candidâts. I socialiscj a àn vût invezit di contentâsi de tierce posizion cun pôc mancul dal 19% dai vôts, cuasi il 9% in mancul dal 2009, e 16 elets cuintri dai 25 de volte stade. Se il PSE (federazion basche dal PSOE) al è il partît che al à paiât il presit plui alt in chestis elezions, nancje i popolârs no jessin fûr cui sa ce ben. Cun di fat, il PP al à vût il 11,57% des preferencis (plui di un pont in mancul de volte stade) e 10 elets cuintri dai 13 dal 2009. A completâ il cuadri dai elets si à la conferme di un parlamentâr pal grup di estreme diestre Unión Progreso y Democracia (UPyD) che al à cjapât il 1,91% des preferencis. Ezker Batua, la federazion basche di Izquierda Unida che tal 2009 e veve plui dal 3% dai vôts e un elet, si è invezit presentade dividude: Ezker Batua di une bande e Ezker Anitza di chê altre. I doi partîts a àn cjapât in totâl plui dal 5% des preferencis, ma separâts no àn rivât a vê nancje un elet. I tocje cumò a Iñigo Urkullu, candidât lehendakari (prin ministri dal guvier basc) dal PNV, formâ il gnûf esecutîf. Denant di lui a son dôs stradis, o meti in pîts un guvier di minorance cun aleancis variabilis proviodiment par proviodiment, o pûr imbastî un acuardi di guvier cuntune altre formazion politiche. Cu la setemane dai 29 di Otubar Urkullu al inviarà un zîr di incuintris cui rapresentants di chei altris partîts. Dutis lis opzions a restin viertis, al à sigurât, ancje se tancj a crodin che la soluzion plui probabile e sedi chê di un guvier di minorance. Laura Mintegi, candidade lehendakari par EH Bildu, e à dut câs invidât Urkullu a imbastî “une politiche autonome sei dal pont di viste nazionâl che economic” rispiet a Madrid. Il sucès eletorâl di EH Bildu al à però ancje cualchi fressure: cun di fat, in Gipuzkoa, provincie là che il partît al è al guvier, si à vût une piçule flession intai vôts de formazion abertzale.
Font:
Gara, 21-22/10/12; Naiz:, 21-22/10/12; El Pais, 21-22/10/12
Nessun commento:
Posta un commento