Ai 20 di Mai la organizazion Behatokia e à presentât il so rapuart anuâl su lis violazions dai dirits linguistics patidis dai citadins bascs. Vie pal 2009, a son stâts plui di 1.400 i câs denunciâts a Behatokia, ven a stâi un numar plui alt di chel che si veve vût i agns prime. Chest al diven sei dal fat che lis aministrazions locâls a van dilunc a violâ i dirits linguistics, ma ancje che la cussience dai citadins bascs e je daûr a cressi ancje su chest front. La gnove diretore de organizazion, Garbiñe Petriati, su la fonde dai dâts cjapâts sù, e à spiegât che il guvier de Comunitât Autonome Basche nol à fat siei i conseis che i jerin stâts fats indenant par miorâ la situazion. In Navare, in buine sostance, la uniche lenghe de aministrazion e reste il castilian. Intal Paîs Basc francês, cundut de modifiche de Costituzion, la lenghe basche e reste fûr des istituzions.
Font: Gara, 21/05/10
Nessun commento:
Posta un commento