A jerin almancul 15 mil lis personis che ai 15 di Mai a àn sfilât pes stradis di Iruñea / Pamplona par rivendicâ il dirit a vivi ad in plen par basc. La manifestazion, la plui grande a pro dal euskara che si vedi davuelte in Navare, e je stade clamade dongje di Kontseilua, o sei il consei dai organisims sociâi de lenghe basche. I manifestants a àn domandât al guvier de Navare une politiche linguistiche gnove che e permeti di doprâ l’euskara in maniere normâl e cence lis limitazions cumò in vore intes scuelis, intes aministrazions publichis e intai mieçs di comunicazion.
Font: Journal du Pays Basque, 15/04/10; Diario de Navarra, 16/04/10
Nessun commento:
Posta un commento