Iniziative une vore impuartante cheste sabide a Vignesie: si trate de Conference internazionâl pai procès di pâs e pe risoluzion dai conflits, inmaneade dal Centri pe pâs dal Comun di Vignesie, intune cun Krossing / Planet K, Marco Polo System, Associazione Europa Levante, e cu la colaborazion de Biblioteche Marçane. La iniziative si davuelzarà sabide ai 14 di Novembar, alì de antisale de librarie sansoviniane de Biblioteche Marçane, a tacâ des 10 di matine. Si fevelarà de esperience sudafricane e di chê irlandese, par frontâ po lis prospetivis par un procès di pâs intal Paîs Basc e in Kurdistan.
Font: Centri pe pâs dal Comun di Vignesie, 06/11/09
3 commenti:
Mandi! O crôt che tu lu sepis bielzà, ma DerStandard al ripuarte inte edizion di cjarte di vuê che il parlament turc al à votât par un ricognossiment plui grant de lenghe curde, che si à di podê doprâ inte aministrazion. No cjati la gnove online, ma salacor doman o passant la metaran ancje li.! Mandi di Graz. Luche
Mandi Luche, grazie pe segnalazion.
A sintî i rapresentants curdis che a jerin îr a Vignesie al somee che par cumò la Turchie e sedi indreçade a no impedî l'ûs de lenghe curde, ma chel istès a lassâle fûr des istituzions e massime de scuele.
Viodìn, duncje, ce che al previôt in detai chest at dal parlament e se al rapresente pardabon un pas indenant.
Mandi! Graciis des precisazions. Un piçul, tart pas, ma sperìn che al sedi pardabon un pas indenant... Mandi!
Posta un commento