Te capitâl dal Paîs Valenzian al è avonde normâl che tes buteghis e tai locâi, cuant che al jentre un client che no si cognòs, ancje i gjestôrs e il personâl che a fevelin par catalan a butin la peraule par castilian. Par sburtâju invezit a doprâ il valenzian (la varietât catalane doprade ta cheste part dai Paîs Catalans), la organizazion Plataforma per la Llengua e à inviât une campagne batiade “Digues Bon Dia!” che e à za cjatât la adesion di passe sietcent ativitâts comerciâls. Viodût il sucès vût a València, di diviersis localitâts dal Paîs Valenzian a son rivadis domandis par slargjâ la campagne ancje alì.
Nessun commento:
Posta un commento