Lis oris setemanâls di breton intes scuelis secondariis parificadis de rêt Diwan a restaran chês stessis ancje tal prossim an scolastic. Il ministeri francês pe educazion al veve decidût che lis oris no saressin plui stadis calcoladis par classe ma par grât cul efiet di smiezâ o ridusi di doi tierçs lis oris di insegnament inta cheste lenghe. Sul finî di Fevrâr la gnove e veve puartât in place passe 1.500 personis a Brest, intant che il president de regjon Bretagne e diviers parlamentârs a vevin fat rivâ la proteste al stes ministri Jean-Michel Blanquer. La mobilitazion di scuelis, insegnants, fameis, associazions e politics, par mieç de mediazion dal ufici scolastic regjonâl, e à permetût di cjatâ fûr une soluzion che e permet di mantignî lis stessis oris di breton di cumò ancje tal an 2021-2022.
Font: France Bleu, 01/03/21
Nessun commento:
Posta un commento