26/09/20

Paîs Catalans: RTVE Catalunya e doplee lis oris par catalan

La sede catalane de radiotelevision publiche spagnole, RTVE Catalunya, e à presentât la gnove stagjon 2020-2021 che e mostre diviersis novitâts rispiet al an passât. Une di chestis e je che lis oris di emission par catalan si doplearan. Cun di fat, se l’an passât si vevin 24 oris par setemane di contignûts in lenghe proprie, chest an lis oris setemanâls par catalan a saran 48. La maiorance des trasmissions in lenghe catalane a saran centradis su 6 oris in dì dividudis in trê fassis orariis diferentis.

Font: Generalitat de Catalunya, 15/09/20

Nessun commento: