Al
à non Youtubers docents
il progjet che al met adun intune plateforme digjitâl unitarie i
canâi gjestîts di professôrs che a ufrissin contignûts formatîfs
par catalan par mieç di Youtube. Il portâl al è organizât daûr
dai diviers nivei educatîfs (di chel infantîl fintremai la
universitât) e par materiis, in maniere di facilitâ la ricercje di
ce che al interesse di plui. L’obietîf al è chel di dâi plui
visibilitât a materiâi che za a jerin in rêt ma in forme
sparniçade e di sburtâ altris insegnants a aderî al progjet e a
meti a disposizion di ducj lis lôr cognossincis. La plateforme e
cjape dentri professôrs che a rivin, in plui che de Catalogne, ancje
dal Paîs Valenzian, des isulis Baleârs e di Andorra.
Font:
Generalitat de Catalunya,
20/07/20
Nessun commento:
Posta un commento