Ai
31 di Març dal 2012, in contemporanie cu la grande manifestazion pe
lenghe ocitane a Tolosa / Toulouse, al saltave fûr Jornalet,
riviste digjitâl che e ufrìs informazions cuotidianis par ocitan.
Passâts che a son vot agns, la plateforme informative e à vût
cuasi 2 milions di visitadôrs e cuasi 5 milions di pagjinis letis.
Vie pal an passât, i articui lets a son stâts plui di 41 mil, o sei
passe un miâr in dì: cifre pardabon impuartante par une comunitât
come chê ocitane che te plui part e je ancjemò analfabete te sô
lenghe proprie.
La plui part dai letôrs e rive dal stât francês
(42,94%) e in particolâr de cussì clamade Ocitanie Grande, i ven
daûr il stât spagnûl (31,25%) dulà che si à une comunitât
ocitanofone – chê de Val di Aran – che e je piçule ma là che i
nivei di tutele linguistiche e di alfabetizazion a son une vore alts
e là che, massime in Catalogne, e va dilunc a cressi la atenzion pe
Ocitanie. I redatôrs di Jornalet
a ricognossin invezit che al covente lavorât di plui par rivâ a
svicinâ i ocitans des valadis alpinis ocidentâls dal stât talian,
là che par cumò la atenzion e je avonde scjarse (1,31% dai acès).
La riviste digjitâl e à però une grande capacitât di fidelizazion
(82,5%). A vuê e ven sostignude massime des donazions dai letôrs e
des associazions ocitanis, intant che l’unic contribût public al
rive dal guvier catalan (Generalitat de
Catalunya). Dopo di un prin esperiment
dedicât ai prins sîs agns di Jornalet,
chest an al jessarà un secont numar su cjarte cul miôr dal ultin an
de riviste e cun contignûts origjinâi.
Font:
Jornalet,
31/03/20
Nessun commento:
Posta un commento