Scozie: prime scuele par gaelic intal Ayrshire dal Nord

Chest Astât a Cill Fhinnein / Kilwinning si inviarà la prime scuele a imersion par gaelic dal Ayrshire dal Nord. Un tant al è il risultât dal lavôr inviât intal 2017 di un grup di gjenitôrs che in forme volontarie a vevin metût sù un nît cul gaelic veicolâr. L’an passât il lavôr di sensibilizazion fat ta chescj agns al à permetût di domandâ al Consei provinciâl di inviâ une scuele primarie a imersion e di otignî une rispueste positive. Cumò a son partidis lis iscrizions e cul mês di Avost la scuele e tacarà la sô ativitât. Tal zîr di un an, ator pe Scozie, il sisteme educatîf a imersion par gaelic al è aumentât dal 8% e lis prospetivis a son chês di lâ indenant a cressi.

Font: Bòrd na Gàidhlig, 27/01/20