31/12/19

Ocitanie: acuardi par recuperâ la toponomastiche origjinâl

Cu la poie de regjon aministrative de Ocitanie, il Congrès permanent de lenghe ocitane e l’Istitût francês di informazion gjeografiche (IGN) a àn sotscrit une convenzion che si propon di analizâ e di comedâ il patrimoni toponomastic de Ocitanie che si cjate tai archivis informatics e tes cjartinis dal istitût. I nons di lûc ocitan, di fat, a son stâts trascrits in forme falade e dispès a son stâts fintremai strassomeâts. I specialiscj de lenghe ocitane a àn za davuelt studis impuartants su la toponomastiche locâl e cumò a puedin confrontâsi cui esperts dal Istitût francês di informazion gjeografiche par judâju a integrâ i lôr archivis e, là che al sarà pussibil, comedâ i erôrs fats.
Font: La Dépêche, 27/12/19

Nessun commento: