In
ocasion de scree de edizion numar 116 dal festival Mod,
che al celebre la culture gaeliche de Scozie, il prin ministri
vicjari, John Swinney, al à anticipât che il guvier scozês al
metarà a disposizion in curt doi milions di sterlinis par inviâ la
cuarte scuele primarie gaeliche di Glaschu / Glasgow. A vincj agns di
distance de nassite de prime scuele a imersion par gaelic de citât,
la domande e va dilunc a cressi. Un tant nol diven dome di un aument
di interès par cheste lenghe, ma ancje dai vantaçs leâts al
bilinguisim e de cualitât alte che par solit chescj istitûts a
ufrissin. Dongje des trê primariis za in vore, a Glaschu / Glasgow
si à ancje une scuele secondarie a imersion che si cjate al diesim
puest tra dutis chês publichis scozesis par cualitât dal
insegnament.
Font:
The
Scotsman,
11/10/19
Nessun commento:
Posta un commento