04/09/17

Corsiche: leams plui fuarts cu la Galure

Ai 21 di Avost, Saveriu Luciani, delegât pe lenghe dal esecutîf cors, si à cjatât cui sindics e cui rapresentants dal associazionisim culturâl de Alte Galure cun chê di infuartî i rapuarts jenfri la Corsiche e cheste regjon de Sardegne là che si fevele une varietât linguistiche une vore dongje di chê corse. Si àn cussì metudis jù lis fondis par un acuardi di cooperazion che al puarti ae nassite di un centri culturâl cors – galurês a Tempiu / Tempio Pausania cun chê di promovi la lenghe e la culture comune. La colaborazion si slargjarà ancje sul plan de scuele cu la pussibilitât pai students galurês di frecuentâ i centris di imersion linguistiche in vore in Corsiche e cul svilup di percors formatîfs ancje pal personâl scolastic.
Font: Corse-Matin, 22/08/17

Nessun commento: