Il
guvier galês, par bocje dal ministri pe lenghe Alun Davies, al à
comunicât che i darà al ex parlamentâr Aled Roberts la incarghe di
revisionâ i plans pe educazion in lenghe galese svilupâts dai ents
locâi dal Gales. Un tant al è stât decidût dopo che la comissarie
pe lenghe e veve segnalât che diviersis autoritâts locâls no vevin
rispietât la leç intal metiju jù. Ancje la Cymdeithas
yr Iaith Gymraeg, di agns in prime
linie te bataie pai dirits linguistics, e veve denunciât che cetancj
ents locâi no vevin tignût cont, par esempli, de volontât dal
guvier galês di rivâ intal 2021 a di un percors di formazion unic
che al superàs la division cumò in vore tra insegnament a imersion
e insegnament dal galês come lenghe seconde.
Font:
Cymdeithas ,
14/03/17
Nessun commento:
Posta un commento