29/02/16

Gales: confermâts par cumò i fonts statâi par S4C

In spiete de revision in program chest an che al ven par decidi lis dibisugnis finanziariis di S4C, il guvier britanic al à confermât ancje pal 2016 i fonts pe television publiche par galês associade ae BBC. La conferme e je rivade ai 3 di Fevrâr de bande dal ministeri pe culture, pai media e pal sport. Di Londre a laran duncje dilunc a rivâ 6,8 milions di sterlinis, che si zontin aes risorsis metudis de BBC ven a dî 75,4 milions di sterlinis e il personâl pe programazion. Tai ultins mês in Gales si veve vude une mobilitazion trasversâl par evitâ che il guvier britanic al taiàs i fonts pe emitente.
Font: The Guardian, 03/02/16

Nessun commento: