09/07/15

Paîs Basc: domini .eus ancje par Twitter

Ancje Twitter al à fat so il domini .eus dedicât ae lenghe e ae identitât basche dopo che za dal 2012 la rêt sociâl e veve metût a disposizion dai utents une interface par euskara. Twitter però nol ricognòs ancjemò in maniere automatiche la lenghe basche, un passaç che al varès di jessi disponibil in curt dal moment che i siei tecnics a son daûr a lavorâ cu la fondazion PuntuEUS propit par rivâ a chest obietîf. Il domini .eus al è presint su internet di pôc plui di un an incà, ancje se la pussibilitât di doprâlu e je stade dade ai utents dome cul Dicembar dal 2014. Di in chê volte a vuê a son za 3.600 i sîts che si son regjistrâts cun chest domini.
Font: EiTB, 19/06/15

Nessun commento: