Plui
ingredeade la situazion intal Paîs Valenzian
là che il progjet di une aleance progressiste jessût dopo des
elezions al riscje di lâ sù pai stecs. La soluzion plui pratiche
par vê un esecutîf salt, almancul sul plan dai numars, e jere chê
di une aleance di guvier che e metès adun i
socialiscj (PSPV) cui
lôr 23 parlamentârs, i
nazionalitaris di Compromís cui lôr 19
elets e Podemos/Podem cui
lôr 13 deputâts. Achì però e je la
assegnazion de incarghis, massime chê di president dal guvier, a
creâ divisions.
A front des diferencis jessudis dai prins confronts, i socialiscj a àn cjapât contats cu la liste dai Ciudadanos che tes elezions e à otignût 13 deputâts. Une aleance tra chescj doi partîts e varès però bisugne de astension dal PP par permeti l’insediament dal guvier: une opzion pussibile che però i costarès cjare ai socialiscj sul plan des compensazions intal guvier di altris aministrazions locâls e ancje in tiermins di metude in vore dal program eletorâl. Une alternative, ancjemò plui debule sul plan dai numars, e sarès chê di un guvier di minorance formât di Compromís e Podemos/Podem. I tentatîfs di mediazion però a van indenant e plui di cualchidun al vise che dopo agnorums di guvier de diestre spagnoliste i eletôrs no perdonaressin la mancjade aleance tra socialiscj, Compromís e Podemos/Podem.
A front des diferencis jessudis dai prins confronts, i socialiscj a àn cjapât contats cu la liste dai Ciudadanos che tes elezions e à otignût 13 deputâts. Une aleance tra chescj doi partîts e varès però bisugne de astension dal PP par permeti l’insediament dal guvier: une opzion pussibile che però i costarès cjare ai socialiscj sul plan des compensazions intal guvier di altris aministrazions locâls e ancje in tiermins di metude in vore dal program eletorâl. Une alternative, ancjemò plui debule sul plan dai numars, e sarès chê di un guvier di minorance formât di Compromís e Podemos/Podem. I tentatîfs di mediazion però a van indenant e plui di cualchidun al vise che dopo agnorums di guvier de diestre spagnoliste i eletôrs no perdonaressin la mancjade aleance tra socialiscj, Compromís e Podemos/Podem.
Font:
Levante EMV,
05/06/15;
El Pais, 04/06/15;
VilaWeb, 04/06/15
Nessun commento:
Posta un commento