Ai
17 di Mai miârs di personis a àn rispuindût al apel de plateforme
Queremos Galego e a àn partecipât aes manifestazions che si son
davueltis in diviersis citâts de Galizie par rivendicâ il dirit di
doprâ ad in plen la lenghe proprie dal paîs. Sant Jacum di Galizie
(Santiago de Compostela) e Vigo a àn dât acet aes iniziativis plui
gruessis, ma manifestazions partecipadis si son tignudis ancje a
Coruña, Ferrol, Lugo, Ourense, Pontevedra e Ribadeo. Intant de
mobilitazion si à domandât al guvier galizian di cambiâ in maniere
radicâl la sô politiche tai confronts de lenghe galiziane che,
cemût che si diseve intal sproc de iniziative, e je “garanzie di
futûr”. Il galizian, a àn dite i organizadôrs, e je “la plui
grande opare coletive dal popul” e si à duncje di doprâle simpri
e par dut, par chest a coventin pas indenant e no indaûr rispiet ae
normative za in vore.
Font:
Galicia Hoxe,
17/05/15
Nessun commento:
Posta un commento