Gmail,
il servizi di pueste eletroniche di Google, al è cumò disponibil
ancje par gaelic irlandês. La iniziative e je partide di un
professôr de universitât di St Louis, in Missouri, che cul lavôr
di vot tradutôrs e il contribût di diviers volontaris ator pal mont
al à voltât par gaelic i 60 mil tra tiermins e messaçs che a
coventin par garantî il servizi. Puartade insom la traduzion, un
grup di lavôr di Google le à sperimentade par doi mês e cumò le à
metude a disposizion di ducj i utents. Il lavôr fat però no si
ferme dome a Gmail, ma al permet di inzornâ la base di dâts
linguistiche dal archivi condividût di un pocjis des plui grandis
compagniis dal setôr che a puedin cussì zovâsi di chest materiâl
pal svilup di altris aplicazions e slargjâ la presince e la cualitât
dal irlandês su internet.
Font:
Irish
Times,
11/12/14
Nessun commento:
Posta un commento