Rapresentants
de maiorance des fuarcis politichis di Ipar Euskal Herria, o sei il
Paîs Basc setentrionâl, a àn metût adun e presentât intant di
une conference stampe a Baiona / Bayonne une propueste indreçade al
guvier francês par facilitâ la soluzion dal conflit basc.
Inte prime part dal test, dute dedicade ae cuistion dai presonîrs, si domande che ur vegnin garantîts chei dirits che a spietin ai presonîrs comuns, tant che il svicinament a cjase, i sconts di pene, lis misuris di presonie alternative e programs di reinseriment sociâl. Si propon ancje la pussibilitât pai esiliâts politics di sielzi il lôr lûc di residence, il bloc dal procediments judiziaris in at cuintri di militants bascs e des estradizions intal stât spagnûl par “reâts” politics. Dut chest in spiete di podê rivâ a di une amnistie par ducj i reâts leâts al conflit basc. Si domande po al guvier francês di cjatâ un acuardi cun ETA par che, sot de supervision internazionâl, si rivi al disarmament e al dismantelament des struturis che la organizazion basche e à intal stât francês. Tant che contribût a di une soluzion definitive dal conflit si domande po la creazion di un sogjet istituzionâl specific pes provinciis baschis che si cjatin sot aministrazion francese. Il document al è stât sotscrit di rapresentants politics che a rivin de çampe indipendentiste basche, dal nazionalisim moderât, de aree ecologjiste e di chê centriste, dal PS e de UMP. Tra di lôr ancje i senatôrs Jean-Jacques Lasserre (centrist) e Frédérique Espargnac (socialiste), e i sindics di Baiona / Bayonne, Jean-René Etchegaray, e di Hendaia / Hendaye, Kotte Ecenarro.
Inte prime part dal test, dute dedicade ae cuistion dai presonîrs, si domande che ur vegnin garantîts chei dirits che a spietin ai presonîrs comuns, tant che il svicinament a cjase, i sconts di pene, lis misuris di presonie alternative e programs di reinseriment sociâl. Si propon ancje la pussibilitât pai esiliâts politics di sielzi il lôr lûc di residence, il bloc dal procediments judiziaris in at cuintri di militants bascs e des estradizions intal stât spagnûl par “reâts” politics. Dut chest in spiete di podê rivâ a di une amnistie par ducj i reâts leâts al conflit basc. Si domande po al guvier francês di cjatâ un acuardi cun ETA par che, sot de supervision internazionâl, si rivi al disarmament e al dismantelament des struturis che la organizazion basche e à intal stât francês. Tant che contribût a di une soluzion definitive dal conflit si domande po la creazion di un sogjet istituzionâl specific pes provinciis baschis che si cjatin sot aministrazion francese. Il document al è stât sotscrit di rapresentants politics che a rivin de çampe indipendentiste basche, dal nazionalisim moderât, de aree ecologjiste e di chê centriste, dal PS e de UMP. Tra di lôr ancje i senatôrs Jean-Jacques Lasserre (centrist) e Frédérique Espargnac (socialiste), e i sindics di Baiona / Bayonne, Jean-René Etchegaray, e di Hendaia / Hendaye, Kotte Ecenarro.
Font:
Naiz:,
24/10/14
Nessun commento:
Posta un commento