19/06/14

Romanie: elets doi ongjarês e un rom

In Romanie lis dôs comunitâts di minorance plui gruessis a son chê rom e chê ongjarese, ma dome cheste ultime e je ben organizade dal pont di viste politic. Intes elezions europeanis di chest an, la Union Democratiche Magjare in Romanie (UDMR) e à però pierdût teren e cul so 6,5% di vôts e à rivât a otignî dome doi europarlamentârs cuintri dai trê dal 2009. Inte aleance di çampe (PSD – PC – UNPR), vincidore des elezions cul 37,6% des preferencis e 16 eurodeputâts, al è stât elet ancje Damian Drăghici, membri e ativist de minorance rom.
Font: elections2014.eu; Romea.cz, 26/05/14

Nessun commento: