Deputâts
laburiscj e dal Plaid Cymru a àn domandât di slargjâ la
pussibilitât di doprâ la lenghe galese intant dai lavôrs dal
Parlament britanic cuant che si discutin temis che a son leâts al
Gales. In dì di vuê, l’ûs dal galês al è permetût dome par
cualchi passaç curt e simpri compagnât de traduzion par inglês:
une linie che la maiorance cumò al guvier, formade di conservadôrs
e liberâi democratics, no somee vê però nissune intenzion di
cambiâ. Cumò il galês al ven tratât come une lenghe di seconde
categorie, ma i pas di podê fâ par miorâ cheste situazion a son
tancj – al contint il deputât laburist Paul Flynn – dal bastarès
pensâ che a son diviers i Parlaments ator pal mont là che i lavôrs
si davuelzin cence fastidis in plui lenghis.
Font:
BBC, 8/05/14
Nessun commento:
Posta un commento