Il Comitât
Helsinki, organizazion internazionâl pai dirits umans, intal so
ultin rapuarts sui crimins leâts al odi al segnale che vie pal 2013
si à vût almancul 116 câs di cheste nature in in Macedonie. Pal
80% si trate di ats di violence leâts al odi etnic e, plui intal
specific, tra macedons e albanês; intal 9% dai câs si à invezit a
ce fâ cun crimins leâts al orientament sessuâl o al odi di gjenar
e pal 7% cun motivazions leadis ae partignince religjose. Il probleme
centrâl al è duncje leât ai contrascj tra la maiorance macedone e
la minorance albanese che e rapresente un cuart de popolazion statâl.
Il Comitât Helsinki al lamente po il fat che inte plui part dai câs
lis autoritâts judiziariis e di polizie a tindin a dineâ la nature
di chescj crimins par piturâju invezit tant che episodis di violence
comune.
Juste cualchi zornade dopo de jessude dal rapuart si à vût une gnove conferme de situazion denunciade de organizazion pai dirits umans. Cun di fat, ai 19 di Mai a Skopje, cuant che si à savût che l’autôr dal sassinament di un fantat intant di une robarie al sarès stât albanês, grups di zovins macedons a àn cirût di atacâ il cuartîr a maiorance albanese di Saraj par svindicâsi. Chest al à puartât a violencis interetnichis e a scuintris cu la polizie cun disinis di arestâts e di ferîts. A manifestâ la sô preocupazion par cheste clime di odi al è stât ancje il delegât de OSCE in Macedonie, Ralf Breth, che al à ricuardât che une comunitât no pues vê la responsabilitât coletive pai ats di un singul.
Juste cualchi zornade dopo de jessude dal rapuart si à vût une gnove conferme de situazion denunciade de organizazion pai dirits umans. Cun di fat, ai 19 di Mai a Skopje, cuant che si à savût che l’autôr dal sassinament di un fantat intant di une robarie al sarès stât albanês, grups di zovins macedons a àn cirût di atacâ il cuartîr a maiorance albanese di Saraj par svindicâsi. Chest al à puartât a violencis interetnichis e a scuintris cu la polizie cun disinis di arestâts e di ferîts. A manifestâ la sô preocupazion par cheste clime di odi al è stât ancje il delegât de OSCE in Macedonie, Ralf Breth, che al à ricuardât che une comunitât no pues vê la responsabilitât coletive pai ats di un singul.
Font:
Balkan Insight, 16 e 21/05/14
Nessun commento:
Posta un commento