Ai 16 di
Març si è tignût in Crimee il referendum pe autodeterminazion di
cheste Republiche autonome de Ucraine. Dôs lis pussibilitâts che i
votants a podevin sielzi, ven a dî la incressite dal nivel di
autoguvier de Crimee dentri de Ucraine o la anession ae Federazion
Russe. Inte Republiche, di fat, su plui o mancul doi milions di
abitants, cuasi il 60% a son di nazionalitât russe, il 12% al parten
ae comunitât tatare e i ucrains a rapresentin sù par jù il 25% de
popolazion. Daûr dai dâts comunitâts des autoritâts de Crimee, il
96,7% dai votants al à dite di sì ae anession ae Federazion Russe.
La percentuâl di partecipazion al vôt e sarès stade disore dal
82%.
Il vôt referendari al è stât seguît di une cincuantine di osservadôrs internazionâi che no àn segnalât incidents di sorte, ma al ven judicât ilegâl no dome dal guvier di Kiev, ma ancje dai Stâts Unîts e dai paîs de Union Europeane (che pûr in altris situazions, come chê dal Cossovo, a àn mostrât compuartaments dal dut diferents). Il referendum al jere stât anticipât ai 11 di Març de decision dal Parlament de Crimee di proclamâ la indipendence cul vôt a pro di 78 dai 100 deputâts de assemblee. La proclamazion, che e je stade cumò confermade de consultazion popolâr, e rapresentave il prin pas par procedi ae anession de Crimee ae Federazion Russe.
Il vôt referendari al è stât seguît di une cincuantine di osservadôrs internazionâi che no àn segnalât incidents di sorte, ma al ven judicât ilegâl no dome dal guvier di Kiev, ma ancje dai Stâts Unîts e dai paîs de Union Europeane (che pûr in altris situazions, come chê dal Cossovo, a àn mostrât compuartaments dal dut diferents). Il referendum al jere stât anticipât ai 11 di Març de decision dal Parlament de Crimee di proclamâ la indipendence cul vôt a pro di 78 dai 100 deputâts de assemblee. La proclamazion, che e je stade cumò confermade de consultazion popolâr, e rapresentave il prin pas par procedi ae anession de Crimee ae Federazion Russe.
Font:
RIA Novosti, 16-17/03/14
Nessun commento:
Posta un commento