La Serbie e
à otignût la candidature par jentrâ inte UE intal Març dal 2012
e, cul Zenâr di chest an che al ven, a varessin di tacâ lis
tratativis pe sô jentrade. Un dai pidiments principâi pe adesion al
jere la cuistion dai rapuarts cul Cossovo che aromai e somearès
avonde a bon. A metisi di stuart cumò e je però la Ongjarie, o
almancul un grup di parlamentârs di chest paîs che, intant di une
iniziative tignude ai 20 di Novembar intal Parlament di Strasburc, al
à domandât che no si aceti la jentrade de Serbie fintremai che nol
sarà garantît il plen rispiet dai dirits dai 250 mil membris de
minorance ongjarese che a vivin in Voivodine e che no si ricognossarà
une fuarte autonomie par cheste regjon. Daûr de operazion al è il
partît di estreme diestre ongjarês Jobbik.
Font:
Balkan Insight, 21/11/13
Nessun commento:
Posta un commento