Inte aree a
maiorance serbe dal Cossovo setentrionâl lis elezions aministrativis
dai 3 di Novembar a son stadis segnadis di nivei avonde bas di
partecipazion e di diviers incidents al pont che inte citât di
Mitrovica / Kosovska Mitrovica si à decidût di tornâ a votâ ai 17
di Novembar par vie che lis postazions par votâ a jerin stadis
atacadis di oms mascarâts che a vevin obleât a sierâ lis urnis
prime de ore. Vôt regolâr invezit inta chei altris trê comuns a
maiorance serbe dal Nord, ven a dî Leposavić / Leposaviq, Zvečan /
Zveçan e Zubin Potok, là che la vitorie e je lade in ducj i trê
câs ai candidâts de liste Srpska che e rapresente la part politiche
plui leade al guvier di Belgrât.
Plui in gjenerâl, in 24 dai 38 comuns clamâts al vôt, nissun candidât al à passât il 50% dai consens e duncje par cognossi i elets si varà di spietâ il secont turni di vôt in program il prin di Dicembar. In plui dai trê sindics serps, al prin turni a son za stâts elets cuatri rapresentants dal partît Democratic dal Cossovo, trê de Leghe Democratiche dal Cossovo, un de Aleance pal Avignî dal Cossovo, un candidât indipendent e un sindic dal Partît Popolâr Turc, espression di une des comunitâts minoritariis che a vivin ta chest paîs. La atenzion internazionâl e jere però dute centrade sul vôt intes areis dal Nord là che a vivin i serps dal moment che al jere de fin de vuere che chest teritori al jere aministrât come se al fos ancjemò part de Serbie. Chestis elezions aministrativis a son il risultât dai acuardis cjapâts cualchi mês indaûr di Serbie e Cossovo sot de supervision de UE.
Plui in gjenerâl, in 24 dai 38 comuns clamâts al vôt, nissun candidât al à passât il 50% dai consens e duncje par cognossi i elets si varà di spietâ il secont turni di vôt in program il prin di Dicembar. In plui dai trê sindics serps, al prin turni a son za stâts elets cuatri rapresentants dal partît Democratic dal Cossovo, trê de Leghe Democratiche dal Cossovo, un de Aleance pal Avignî dal Cossovo, un candidât indipendent e un sindic dal Partît Popolâr Turc, espression di une des comunitâts minoritariis che a vivin ta chest paîs. La atenzion internazionâl e jere però dute centrade sul vôt intes areis dal Nord là che a vivin i serps dal moment che al jere de fin de vuere che chest teritori al jere aministrât come se al fos ancjemò part de Serbie. Chestis elezions aministrativis a son il risultât dai acuardis cjapâts cualchi mês indaûr di Serbie e Cossovo sot de supervision de UE.
Font:
Balkan Insight, 04-15/11/13
Nessun commento:
Posta un commento