Lis
delegazions de Serbie e dal Cossovo si son dadis dongje ai 8 di Mai
par decidi i detais par meti in vore l’acuardi sotscrit dai doi
guviers su la gjestion dai comuns a maiorance serbe dal Cossovo, ma
la riunion e je lade strucje par vie che i rapresentants cossovans a
àn acusât la cuintripart di vê metût su la taule cuistions che no
jerin dentri intal acuardi. Marko Djurić, che al vuidave la
delegazion serbe, al à spiegât che il plan presentât dal guvier di
Belgrât al svilupave plui in detai i ponts dal acuardi in maniere di
garantî ad in plen i dirits de minorance serbe in Cossovo e che il
test al veve vût il vie libare des autoritâts europeanis che a
fasin di mediatôrs intal procès. Viodût che lis delegazions no àn
rivât a cjatâ un acuardi, il plan al varà di jessi discutût dai
doi prins ministris Ivica Dačić e Hashim Thaçi. L’apontament al
è a Bruxelles ai 21 di Mai.
No son mancjâts i problemis nancje intant dai incuintris tra i rapresentants dal guvier di Belgrât e chei dai comuns a maiorance serbe dal Cossovo. Chescj ultins, di fat, a fasin fature a gloti l’acuardi sotscrit dai doi guviers e a domandin che la Cort Costituzionâl di Belgrât e intervegni par dî se il pat al è compatibil cu la Costituzion serbe. Cundut des posizions diferentis (i rapresentants de minorance a àn ancje domandât l’intervent de Russie par che ju judi a blocâ la metude in vore dal acuardi), ae fin si à rivât almancul a cjatâ un acuardi su cualchi pont. Il prin ministri vicjari serp, Aleksandar Vučić, al à di fat dite che il sisteme legjislatîf dal Cossovo al jentrarà in vore in maniere graduâl intai comuns là che e vîf la minorance, ma l’esercit cossovan nol jentrarà ta cheste aree e la Serbie e larà dilunc a finanziâ il sisteme sanitari e chel scolastic. Cun di fat l’acuardi tra i doi paîs, al à zontât Vučić, nol previôt di nissune bande che i comuns a maiorance serbe a vedin di rispietâ la costituzion dal Cossovo.
No son mancjâts i problemis nancje intant dai incuintris tra i rapresentants dal guvier di Belgrât e chei dai comuns a maiorance serbe dal Cossovo. Chescj ultins, di fat, a fasin fature a gloti l’acuardi sotscrit dai doi guviers e a domandin che la Cort Costituzionâl di Belgrât e intervegni par dî se il pat al è compatibil cu la Costituzion serbe. Cundut des posizions diferentis (i rapresentants de minorance a àn ancje domandât l’intervent de Russie par che ju judi a blocâ la metude in vore dal acuardi), ae fin si à rivât almancul a cjatâ un acuardi su cualchi pont. Il prin ministri vicjari serp, Aleksandar Vučić, al à di fat dite che il sisteme legjislatîf dal Cossovo al jentrarà in vore in maniere graduâl intai comuns là che e vîf la minorance, ma l’esercit cossovan nol jentrarà ta cheste aree e la Serbie e larà dilunc a finanziâ il sisteme sanitari e chel scolastic. Cun di fat l’acuardi tra i doi paîs, al à zontât Vučić, nol previôt di nissune bande che i comuns a maiorance serbe a vedin di rispietâ la costituzion dal Cossovo.
Font:
Balkan Insight, 09 e 13/05/13
Nessun commento:
Posta un commento