La
fondazion Euskal Memoria e à presentât il so ultin lavôr di
ricercje dedicât al ûs de torture cuintri dai citadins bascs.
Cundut de dificoltât a racuei dâts e testemoneancis, il cuadri,
magari cussì no ancjemò parziâl, che al ven fûr al è di
sgrisulâsi. La ricercje e cjape tant che date di partence il 1960,
lassant fûr duncje ducj i agns de vuere civîl e i prins de ditature
franchiste, chel istès dâts e testemoneancis a fevelin di passe
9.600 câs di torture in cincuante agns. Tra il 1960 e il 1977 i
arestâts politics intal Paîs Basc a son stâts plui o mancul 10 mil
e si calcole che tra il 50% e il 70% di lôr a vedin patît torturis.
Dal 1978 al 1988 i arescj cun regjim di incomunicazion a son stâts
cuasi 7.400 cuntun 40% di câs di torture. Tra 1989 e 2000 i câs di
torture a son plui o mancul 900, intant che intai prins agns di chest
secul la cifre e rive a 733. Un totâl che duncje al è tra i 9.633 e
i 11.6.33.
Cuintri dai presonîrs bascs la torture e je stade doprade in maniere continuade e sistematiche, cun denunciis che a van indenant ancje in dì di vuê. Intal lavôr de fondazion Euskal Memoria no son però dome lis cifris, ma ancje lis testemoneancis di cui che lis torturis lis à provadis su la sô piel e dai câs plui dramatics, rivâts fin ae muart dai presonîrs come che al è sucedût cun Joxean Lasa, Joxi Zabala e Mikel Zabalza, juste par fâ cualchi non. Tal volum publicât de fondazion e je po ancje chê altre muse dal ûs de torture sui presonîrs bascs, ven a dî chê dai torturadôrs. Cemût che a confermin ancje i organisims internazionâi pai dirits umans, il stât spagnûl nol à mai frontât in maniere serie la cuistion. Cundut dai miârs di câs denunciâts, dome 62 agjents a son stâts condanâts par vê torturât dai presonîrs bascs e di chescj 36 a son stâts indultâts, cualchidun fintremai dôs voltis. In altris câs, i agjents no àn scontât nissune condane, a son stâts lassâts in servizi intai stes lûcs là che a vevin torturât o a son stâts fintremai promovûts.
Cuintri dai presonîrs bascs la torture e je stade doprade in maniere continuade e sistematiche, cun denunciis che a van indenant ancje in dì di vuê. Intal lavôr de fondazion Euskal Memoria no son però dome lis cifris, ma ancje lis testemoneancis di cui che lis torturis lis à provadis su la sô piel e dai câs plui dramatics, rivâts fin ae muart dai presonîrs come che al è sucedût cun Joxean Lasa, Joxi Zabala e Mikel Zabalza, juste par fâ cualchi non. Tal volum publicât de fondazion e je po ancje chê altre muse dal ûs de torture sui presonîrs bascs, ven a dî chê dai torturadôrs. Cemût che a confermin ancje i organisims internazionâi pai dirits umans, il stât spagnûl nol à mai frontât in maniere serie la cuistion. Cundut dai miârs di câs denunciâts, dome 62 agjents a son stâts condanâts par vê torturât dai presonîrs bascs e di chescj 36 a son stâts indultâts, cualchidun fintremai dôs voltis. In altris câs, i agjents no àn scontât nissune condane, a son stâts lassâts in servizi intai stes lûcs là che a vevin torturât o a son stâts fintremai promovûts.
Font:
Gara, 30/11/12 e 01/12/12
Nessun commento:
Posta un commento